MV ថ្មីរបស់ Christina Grimmie ទើបចេញ ក្រោយម្ចាស់បទស្លាប់បានពីរខែ
ថ្មីៗនេះ ឪពុកម្ដាយរបស់អតីតបេក្ខនារីកម្មវិធី The Voice អាមេរិក Christina Grimmie ដែលត្រូវគេបាញ់សម្លាប់កាលពីខែមិថុនា បានបង្ហោះវីដេអូចម្រៀងទីមួយ ក្នុងចំណោមវីដេអូចម្រៀង៤បទរបស់នាងសម្រាប់សាច់រឿង “The Ballad of Jessica Blue”។
ក្នុងវីដេអូចម្រៀងដែលមានចំណងជើងថា “Snow White” Grimmie បានសម្ដែងជាតួក្មេងស្រីឈ្មោះ Jessica ដែលកំពុងជួបបញ្ហាស្នេហា ដោយមិនដឹងថាគួរជ្រើសរើសអ្នកណាក្នុងចំណោមបុរសពីរនាក់ដែលស្រឡាញ់នាង។
វីដេអូចម្រៀងជាសាច់រឿង “The Ballad of Jessica Blue” ទាំង៤បទ ត្រូវបានថតកាលពីខែកុម្ភៈ ដោយបទទាំងអស់នោះរួមមាន “Snow White” , “Anybody’s You”, “Deception” , និង “Without Him” ដែលសុទ្ធសឹងជាបទក្នុងអាល់ប៊ុម “Side A”។
អតីតកូនក្រុមតារាចម្រៀង Adam Levine រូបនេះ ត្រូវបានគេសម្លាប់កាលពីថ្ងៃទី១០ ខែមិថុនា នៅអាយុ ២២ឆ្នាំ បន្ទាប់ពីការប្រគំតន្ត្រីនៅទីក្រុង Orlando រដ្ឋ Florida ដោយខ្មាន់កាំភ្លើងត្រូវគេស្គាល់ថាជាអ្នកគាំទ្រដ៏ងប់ងល់ម្នាក់របស់នាង ៕
0 comments